TRAPEZOPAEUS

TRAPEZOPAEUS
Athen. l. 4. c. 23. id est, mensarum structor: Iubae τραπεξονόμος, i. e. mensarum adornator, idem quod apud Latinos Structor, Carptor, Scissor, Diribitor, Chironomanta. Servi hi erant, edocti ut scite inspectantibus convivis fercula dividerent, L. Senec. Ep. 47. Cum ad coneandum discubuimus, alius sputa detergit, alius reliquias temulentorum subditus colligit, alius pretiosas aves scindit, pectus et clunes, certis ductibus circumferens eruditam manum. Iuvenal. Sat. 5. v. 120.
Structorem interea, ne qua indignatio desit.
Saltantem spectes, et Chironomanta volanti
Cultello, donec peragat dictata Magistri
Omnia, nec minimô sane discrimine refert,
Quô gestu lepores, et quô gallina secetur.
Martial. l. 10. epigr. 48. v. 15.
Et quae non egeant ferrô structoris Ofellae,
Et faba fabrorum, Protonomique rudes.
Nic. Lloyd.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.